Italiensk marengs

  • Strengt tatt er ikkje dette ein dessert i seg sjølv, men ein viktig «byggestein» til fleire dessertar. Uten denne kan du ikkje laga min heimelaga vaniljeiskrem eller eplesorbéten av Gravenstein. Det kan verka komplisert å laga denne første gangen, men det er faktisk ganske lett, berre ein er nøyaktig og varsam. Dette er ikkje noko ein gjer samtidig som ein har små ungar springande rundt seg, for å sei det sånn. Og du treng ein god miksar, for eksempel ein Kenwood.

Italiensk marengs

  • 1/2  kg kvitt sukker
  • 125 g vatn
  • 250 g eggekvite
  • Kok sukker og vatn forsiktig under lokk til 116 –  119 grader C.  Prøv med sukkertermometer eller kuleprøven* om sukkerlaken er varm nok. OBS – dette er varmt!
  • Hell den varme sukkerlaken i tynn stråle i eggekvitane under kraftig pisking i miksar. La miksaren gå til du har ein seig og glatt masse, som er blitt noko avkjølt. Avkjøl vidare etter piskinga.
  • Held seg inntil eit døgn i kjøleskap, men taper seg litt i konsistensen hvis den står så lenge. Kan også frysast.

*Hell litt sukkerlake i kaldt vatn, sjå om dråpen kan formast til ei kule.