Til 4 personar som lunsjrett

• 1 l rensa kantarell i passe bitar ( har du funne meir, er det berre å ha oppi)
• 2 ss olivenolje eller smør
• 1-2 hakka sjalottløk
• evt 1/4 kinesisk kvitløk eller et par fedd vanlig
• 1/2  l buljong eller lys kraft av høns/kylling
• 1 dl eplecider eller kvitvin
• 1/2 l fløyte
• hakka frisk timian eller bladpersille, du kan òg bruka tørka timian

Surr sjalottløk og kvitløk, tilsett kantarellen og la det surre saman nokre minutt. Hell i cideren og la den koke inn. Tilsett så kraft/buljong og fløyte og la det koke saman i 10 – 15 minutt. Smak til.

Syns du suppa blir for tynn, kan du ha i litt maizenajamning, bruk då ca 1-2 ts maizena utrørt i litt kaldt vatn

Tips:

Suppa kan lett lagast ute, i ei litt enklare utgave. Dropp alkoholen, ta med litt tørrmelk i ein pose og ein buljongterning. Smør, løk og krydder tar du òg med. Kok suppa på bål eller stormkjøkken når du har funne nok sopp og har tilgang til vatn.