Steiking av lammekjøt

Dersom kjøttet har vore frose, er det viktig at det tinar langsomt i kjøleskap. Det bør reknast minst 2 døgn  på kjøtstykke på 1-2 kilo. Når det er tint, kan det ligge framme på kjøkenbenken og tempererast nokre timar før steikng.

 Lammelår

Brun lammelåret godt på panna i smør eller olje. Salte, pepre og krydre etter smak. La det kvile litt.

Dampovn/konveksjonsovn

Steik på 70 grader i 8 t eller meir. Kjøttet vil få ein kjernetemperatur på ca 65 grader. Bruk funksjon for ovn. Ta lammelåret rett frå ovnen og skjær i fine skiver, uten å la det  kvile. Server.

Periodesteiking

Steik i vanlig i ovn, ikkje varmluft, på  225 grader til termometer for kjernetemperatur viser 62 – 65 grader . Dette tek normalt 1t – 1 1/2 t , alt etter størrelse på låret.

La kjøttet kvile minst like lenge på kjøkkenbenken som det har vore i ovnen,  under folie og handdukar.

Gje det ei oppvarming på 15 minutt på 225 grader og ein ny  kvil på minst 5 minutt før oppskjæring.

Lammefilet

Brun fileten godt i varm panne. Salte, pepre og krydre etter smak.

Dampovn/konveksjonsovn

Steik på 60-62 grader i 3-4 timar. Kjøttet vil få ein kjernetemperatur på ca 55 – 57 grader. Bruk funksjon for ovn. Ta fileten rett frå ovnen og skjær i fine skiver, uten å la kjøtet  kvile. Server.

Periodesteiking

Steik i ovn på  225 grader til kjøttet «svulmar «og det ikkje viser fingermerke når du trykkjer på det.

Det tek ca 7 – 10 min ved porsjonsstykke på 150 – 200 g. La det kvile minst like lenge som steiketida.

Steiketida er avhengig av kor tjukt kjøttstykket er, det er lurt å steike et prøvestykke.

Ta evt fleire periodar hvis du ikkje er nøgd med kor møyrt kjøttet er. Så lenge det ikkje er inni ovnen på høgare temperatur eller lengre tid enn første periode, blir det ikkje meir gjennomsteikt, berre møyrare.

Før servering skal det ha ei rask oppvarming på 5 minutt på 225 grader og kvile et par minutt før skjering.

Tips: Lammekjøt kan og kokast eller trekkast. Nærare framgangsmåte får du neste gong eg lagar » lam i fløytesaus».